Taha Bapare Sâcmutâc 23:7-16

⁷Ʒoaŋ ira tiri tutumaŋ moc ehuc gie moc mi banʒepieŋ.

⁸Erâ Wofuŋ alatao bâzi rikecnehuc juhapie ʒoaŋ gie bapa 7 ira ine mocwâc tiri tutumaŋ ehuc gie moc mi banʒepieŋ.”

⁹Wofuŋzi Mose kecʒiŋuc âzâcnewec:

¹⁰“Go Israe ŋic ʒiŋuc jazazemec: Ŋoŋe mâreŋ ŋarepemu ira fisirâ nânâ nânâsu dameŋ maickeme nânâ gieonec fuŋkerâ rohuc taha baparao râenʒepieŋ.

¹¹Eme sabata hombaŋ ŋerâ irec faicnao Wofuŋte maio fenʒoŋkeme Wofuŋzi mana‐ŋareme biaŋkezejec.

¹²Fenʒoŋkeocmu ʒoaŋ ira ŋoŋe lama ŋicne biaŋne moc Wofuŋ bâzi rikecnenʒepieŋ.

¹³Ehuc taha bâzire biŋe wiac kecʒiŋuc ʒuhuckerâ Wofuŋ rikecnepie âsu biaŋ fuazejec: Poroŋ uucne wokemaŋhec bâsifuckekicne oto mocjahaonec teŋkonec jajahec â waiŋzi taha bâzi ine fifia râqâckonec nâfocne 4 irec sâc ʒuhuckenʒepieŋ.

¹⁴Erâ ŋoŋe nânâ poroŋ me jacgoŋ hâcbuc me sâŋsâŋ bakicne i mi nânâ mâc juhapie ʒoaŋ i hâcne maickezejec, ŋoŋe qanaŋ Anutu‐ŋeŋic taha bacnenʒepieŋ. Dâŋ izi hâcne ŋic gaŋne gaŋne fuarâ ŋeŋe juju eniŋmu sâc dâŋsanaŋ‐ŋeŋic erâ forahuc juzejec.

¹⁵“Ŋoŋe sabata hombaŋ tarame nânâ nânâsu dameŋko taha baparao nânâ wiac râepie fenʒoŋkeocmu, ʒoaŋ gie bapa irecnec fuŋkerâ jufekupie sabata hombaŋ 7 tarazejec.

¹⁶I tarame ʒoaŋ gie bapa 50 eha gie ɋârionec padizi taha bâzi Wofuŋ râcnenʒepieŋ.