Taha Bapare Sâcmutâc 21:14-24

¹⁴E hozec me ʒuhuc bâtâc ekicne me ŋokac wâwânâŋhec me sasec ŋokac, ŋokac iŋucne moc mi rozejec, aricne, e ŋicfâc‐ticne jaŋeraonec ŋokac ʒeŋoŋ moc rozejec hâcne.

¹⁵E iŋuc ehuc ŋicfâc‐ticne jaŋere ŋondeŋkonec naru motecfâc‐ticne mi bawahac‐jopazejec. Wofuŋ noni hâcne e bâtirikopac.”

¹⁶Wofuŋzi Mose ʒiŋuc âzâcnewec:

¹⁷“Go Aroŋ kecʒiŋuc âzâcnezemec: Ɋâricfâcge gaŋne gaŋne jufeniŋmu jaŋeraonec moczi sahac fâsâc mi juocmu e Wofuŋ taha bâzi rikecneocte mi maickezejec.

¹⁸Ŋic kecʒiŋucne jaŋe hâcne mi maickenʒepieŋ: Tiŋtuŋ me ʒeke puriŋ, me ʒâŋe mai‐jeŋic sâqorekicne, me tuturuŋ‐jeŋic tarakicne,

¹⁹me mekike‐jeŋic herickekicne,

²⁰me râpe kumbeŋ‐jeŋichec, me ŋic bembeŋne, me ʒâŋe‐jeŋic hâpokicne, me wic piic piic â korehec, me biŋjeŋic bakicne.

²¹Taha bapa Aroŋ ere ɋâricfâc jaŋeraonec moc sahac fâsâc mi juocmu e Wofuŋ taha bâzi rikecneocte mi maickezejec. E sahac fâsâc mi jukacte iŋuc hâcne ezejec.

²²E taha bâzi bâtirikicne â tiri jâmbâŋ Wofuŋte biŋe qakicne i nâzo murâ sâcne nâocmu,

²³mâc sahac fâsâc mi juhuc tirific‐nane bawahazacte ine ââketâc me alata mi maickezejec; Wofuŋ noni hâcne bâtirikopac.”

²⁴Eme Mose e dâŋ i hâcne Aroŋ â ŋokâfâcne erâ Israe ŋic sasawa jaza‐fârewec.