Taha Bapare Sâcmutâc 19:27-31

²⁷Ŋoŋe naki‐ŋeŋic ŋifec â ŋifec susucne mi hezunʒepieŋ, â mecʒâwâ‐ŋeŋic tofane wâc mi bâtâcnenʒepieŋ.

²⁸Hâmoc fuame busâqocte sahac‐ŋeŋic mi hetâcnenʒepieŋ, â soqâreŋ wâc mi banʒepieŋ. No Wofuŋ jukopac hâcne.

²⁹“Go otâge bawahahuc sasec giere mi qikiŋnezemec, iŋuc etec sau gie â hehesiczi mâreŋ mi sâckezejec.

³⁰Ŋoŋe sabata hombaŋ‐nanere manapie tirine eha furufic‐nane araŋ bacnenʒepieŋ. No Wofuŋ jukopac hâcne.

³¹“Ŋoŋe bawe me faŋfaŋ wiac maic‐joparâ jaŋerao qohotahuc wâwânâŋhec mi enʒepieŋ. No Wofuŋ ŋoŋere Anutu hâcne.