Leevi 19:27-31

²⁷À mina wɔungiti buuwo, wo mina wo-ɓakalagiti bo.

²⁸À mina wɛn dɔ wo-ɠɔlɔgi ma gɔvɛ ʋɛ, wo mina pɔlɔpalɛ lɔ ɓɔɠɔ ma. Nà ga Ɠɔoɠɔ GALAGI.

²⁹«À mina wo-loun anzanui ɠaazu unfe seɠe ga wo ʋa dɔ koloɠologi zu, galagi tanɔpɛ dɛbi vaa ma, naa ɠa a kɛ zooi zu nuɓusɛiti ti mina lɔ koloɠologi zu, ná zulaa a ʋa ve ga kɔzɔba vai.

³⁰Wa nà-dooɠo foloiti maaɲɛ, wo unfe sèizu ɲadegai ma. Nà ga Ɠɔoɠɔ GALAGI.

³¹«À mina li, wo ʋa gɔvɛ laawooleʋe nuiti gaazaɠa, ɓaa niiti gɔvɛiti ti ʋelela ʋele vaiti bosu ti ma. À mina ti ɠaiziɛ, wo mina ɓɔɠɔ ɠɔzɔ ga tiye. Nà ga Ɠɔoɠɔ GALAGI, wa-ƓALAGI.