Tɛnɛ Faalaaliiti 14:10-14

¹⁰Ɛsɛ nɔ ɠa é ná-ziizoolɛi ɠwɛɛ, ta ná-koozunɛɛi, nu ɠili ge la zooga é ʋa nɔnɔ zɔlɔɔ naa zu.

¹¹Faa ɲɔu ɠɛ nuiti ta-ʋɛlɛi ɠa wolo, kɛlɛ sɔle nuiti ta-zeɠe ɠotai ɠaa ɠa wɔɔlɔ.

¹²Nu mɔinmɔin ka ɠisiɛzu ga pelei ti ma pagɛ, kɛlɛ tɔun, ta pelei ma, nii gaaɓelasu, é liizu ga tiye, é ti lɔ saai zu.

¹³Ɲɛɛi ɠa zoo é ziizoolɛi ɠaazumaalɔɔɠu, koozunɛɛi ɠa zoo é ɠaaɓela ga ziizoolɛi.

¹⁴Kɔzɔba nui ɠa ɗa ná-kɛɛwotiiti ma ɠulanumai zɔlɔɔ, kɛlɛ nu ʋagɔi ɠa ɠoozunɛ nɔnɔ ma ziɛ ʋeleiti ma ɠulanumai zu.