Sua Tutŋana 4:2-13

²Ŋgar ambaiŋana ta tipaute yo pa kek, ta iŋgi be aŋkam piom i. Tana kezem sua tio ti pepe.

³Muŋgu ta nio naŋgaŋŋoŋ mi aŋbotmbot tamaŋ ruumu kini na, naŋgoŋ lutuunu tamen ŋonoono ta nio i. Tana ni leleene pio ilip.

⁴Indeeŋe mazwaana tana, tamaŋ ipaute yo ma iso ta kembei: “Motom iŋgal be kiskis sua tio ila lelem, mi toto tutu tio. Naso mbot ambai.

⁵Kam kinkiini be kam lem ŋgar ambaiŋana mi kilaala ŋgar iŋgoi ta ambai ma ilip. Mi motom mbelele sua tio pepe, mi paŋoobo pa pepe.

⁶Pizil ndemem pa ŋgar ambaiŋana pepe.

⁷Kam kinkiini pa ŋgar ambaiŋana. Pa ina ilip pa koroŋ ta boozomen. Tana ru zaala be kam lem ŋgar ambaiŋana. Sombe zem koroŋ ku ta boozomen ma ila bekena kam lem ŋgar ambaiŋana, na ila lak! Nin pepe.

⁸Nu sombe pakur ŋgar ambaiŋana, nako ŋgar ambaiŋana ipakuru tomini. Mi sombe yogeege lem ŋgar ambaimbaiŋan matakiŋa, nako ikam ma zom iwe biibi.

⁹Ŋgar ambaiŋana ko iwe kembei mogar ndabokŋana kat tau imbot la ndomom mi iwe aigau pu.

¹⁰O lutuŋ, leŋ sua tio ti mi kan la. Naso mbotmbot su toono ma molo, mi kom ndaama boozo.

¹¹Nio iŋgi aŋpaute u pa zaala ki ŋgar ambaiŋana. Aŋmuŋmuuŋgu pu, mi aŋzzo u pa zaala ndeeŋeŋana.

¹²Zaala tana, ambaiŋana. Sombe pa pa, na koroŋ sa ko irao iŋgal kumbum na som. Mi sombe loondo pa, na kumbum ko irao ikam giris ma mel na som.

¹³Sua tutŋana ta aŋkam pu na, zem pepe. Motom iŋgalŋgal mi kiskis la lelem. Pa ina ko ikamu ma mbot ambai.