5Pa koroŋ boozomen ta tomtom tindoundou isu toono na, ina imapmap karau men. Ina kembei koroŋ ta terre la pa, mi matanda kolom na, ila ne kek. Nu so koroŋ ku tana ko imbotmbot ma molo? Som. Ko kembei ta manboŋ. Itir begeene na, irie ma ila ne kek!
6Zin wal ta so tikampewe zin tomtom som na, ŋgurem kutkut pa kini kizin pepe. Ŋonoono, kini ambaimbaiŋan matakiŋa imbotmbot se mbalia kizin be kan. Mi kini tana ikam motom pepe.
7Pa wal ta kembei, gorgori tikamam ŋgar biibi pa pat kizin ta tipasansaana pa kini na. Ŋonoono, kwon na, tiso pu be kan ma win. Mi tiur kat lelen pu som.