Soloumane ea Gesami 3:1-7

¹Na gasi huluane bobaligilalebe, na da na golasuga golai dialu, na sasagesu dunu simasia ba:i. Na da e hogolalu be hame ba:i.

²Na da moilai bai bagadega amoga logoba:le amola logo fonoboiba:le, e hogosa lalalu. Na da e hogolalu, be hame ba:i.

³Sosodo aligisu dunu amo da moilai ouligili lalebe da na ba:i. Na da ilima amane adole ba:i, ‘Dilia da na sasagesu dunu ba:bela:?’

⁴Na da ili yolesilalu, e ba:i. Na da e gagulaligili, amola e masa:ne mae yolesili dialobawane, na da e adole, na:me ea diasuga oule asili, sesei amoga na da lalelegei, amoga e oule asi.

⁵Yelusaleme uda dilia! Hehenasu ‘dia’ amola ‘gasele dia’ ilia houba:le, sia: dafawaneyale ilegema! Ania sasagesu gilisili fibi hou mae hedofama:ne sia:ma!” Uda da amane sia:i,

⁶“Hafoga:i sogeganini manebe liligi da adila:? Amo da mobi ganumu amo da gabusiga: manoma amola ‘me’ (bidi lasu dunu amoga lasu liligi agoai) agoane naba, agoai liligi ba:sa.

⁷Soloumane da ea fisu da:iya fili, enoga gaguli manebe ba:sa. Dadi gagui dunu Isala:ili soge ganodini baligili noga:i dunu 60 agoane da ea da:i sosodo aligisu dunu, e sigi manebe ba:sa.