Soloumane ea Gesami 1:4-6

⁴Na dia oule, ani hobeale masunu. Di nama ouligisu hamone, dia sesei amoga na oule masa. Ani da gilisili hahawane hamomu. Ania da waini hano nanu, sasagesu hou bagade hamobeba:le, asigi dawa:su fisimu. Dafawane! Uda huluane da dima asigiba:le, na da hame hiosa.

⁵Dilia Yelusaleme fi uda! Na gadofo da bunumai be na da noga:iwane ba:sa. Na da hafoga:i soge abula diasu Gida sogebiga diala, amo defele bunumai gala, Be na da Soloumane hina bagade diasu giga:gisu abula defele, ida:iwane ba:sa.

⁶Na gadofo da bunumaiba:le, dilia na mae higama. Bai na gadofo da esoga gia:le, bunumai. Lolalali da nama ougiba:le, na waini efe bugiga hawa: hamoma:ne asunasi. Na da nina: da:i ouligimu eso hame ba:i.