Soakas 21:23-30

²³Kom fin tia lungse sun mwe lokoalok, karinganang ma kom fahk an.

²⁴Sie mwet inse fulat el nunku kacl sifacna, ac el filang ac konkin.

²⁵Sie mwet alsrangesr su srunga orekma, el sifacna oru elan misa —

²⁶pwayena ma el nunku pa el suk in pus ma lal. A sie mwet suwoswos el insewowo in sang ac tia sruok.

²⁷LEUM GOD El srunga mwe kisa lun mwet koluk, yokna elos fin oru ke nunak koluk lalos.

²⁸Kas lun sie mwet loh kikiap fah tia lulalfongiyuk, a kas lun sie mwet su nunkala mau wo fah lohngyuk.

²⁹Mwet suwoswos elos okak in etu lalos; mwet koluk uh tia sruhk etu a elos kwafelos mwet in liye mu elos etu.

³⁰Wangin sripen lalmwetmet, etauk, ku liyaten lun mwet, fin lain LEUM GOD.