Leemiso Maxaafaa 21:23-30

²³Ba doonaanne ba inxxarssaa naagiya asi bana metuwaappe naagees.

²⁴Otorettiyanne ayyiya asi qilliicciyaagaa geetettees; i otoranchcha gidido gishshau, asau qoppenna.

²⁵Azallaa amoi worees; aissi giikko, i oottanau koyenna.

²⁶Azallai gallassa kumettaa darobaa demmanau amottees; shin xilloi bau ashshennan immees.

²⁷GODAI iitatu yarshshuwaa shenetees; hegaappekka eti au iita qofan shiishshiyo yarshshuwaa aatti shenetees.

²⁸Worddo markkai xayana; shin qoppidi akeekan haasayiya uraa haasayai ehettana.

²⁹Iita asi taagaa xalaalai likke gees; shin suure asi yuushshi qoppees.

³⁰Asi ba aadhdhida eratettan, akeekaaninne zoriyan GODAARA eqettanau danddayenna.