Tɛnɛ Faalaaliiti 21:23-30

²³Zɔi é ɓaazu daaʋɛ maazu ta nɛgi, naa ɠa ɓɔɠɔ ɠizo kidaaʋili faa mɔinmɔin ma.

²⁴Ɲɛɛɠulasu nui ɠa ga waso nui, ta gaazulɛɛ nui, nii waso dateʋegai diizu faiti kɛɛ vai ma.

²⁵Ɲaka nui ɠa ɗa za, tɔɔzei ziima vaiti daa la zeelizu, mazɔlɔɔ é la pɔ é ʋa yeeʋɛɛ fai nɔpɛ ba.

²⁶Yeenɔpɛ, toɠa gaazuɠulapɔi laawu, kɛlɛ telebo nui ɠa ɗa ti pɛ kwɛɛ, é la ta makɛga ɓɔɠɔ ʋɛ.

²⁷Faa ɲɔu ɠɛ nuiti ta-zalaɠai ɠa ga ziimaziɛ ganii, sɔnaga ta ʋaana kulazu ga kisiɛ ɲɔi.

²⁸Zɛɛ zeelei undaa ɠa ʋili, kɛlɛ zɔi é gaamai wosu, nii é mɛnini, zobo ka naa ʋɛ siɛnɔpɛ su é ɓɔɛ.

²⁹Faa ɲɔu ɠɛ nui ɠa ɗa ɓɔɠɔ ɠula ga lada nu, kɛlɛ sɔle nui ɠa ɗa ɠaaɓa siɛ ʋelei ma.

³⁰Nuɓusɛi ná-ɠimalai, ta ná-keleɠelegi ta ná-kisiɛi, naati tanɔpɛ ge la zooga, é ʋa li Ɠɔoɠɔ GALAGI yiimai laalɔɠɔma.