Sinale 4:23-34

²³He kaunsil vông Pita yuu Jon la, om yuu lax mɨ la vô lie vông vinên dɨ lax nêl kɨyang wê xomxo levac wê mi si daa vô Anutu gee hɨxôn he gyovɨxa nêl vô yuu ge kɨtong vô he.

²⁴He ngô pyap dɨ he xôn nɨlô tibed dɨ he kɨtaa vô Anutu bêga nêbê, “O Apumtau, ông levac wê ôcông va tung lag yuu kɨbun dɨ gwec hɨxôn susu vɨhati yang.

²⁵Ilage Myakɨlôhô Ngɨbua wê ông vông ge vông xe bug Devit wê ông num yuac ge nêl ông kɨyang bêga nêbê, ‘Bêna lêc tɨbii madɨluhu xêyaa vô myavɨnê luu vêl? Bêna lêc he nêl kɨyang vaxvax wê nôn maên ge?

²⁶King kɨbun ga vɨhati viac he ên vevac, dɨ xomxo levac kɨtucma ên nêb ob vông vevac vô Apumtau Anutu hɨxôn Kɨlisi wê i vông i lam ge.’

²⁷Kɨyang tige vɨxôhɨlôg nôn, ên Helot yuu Pontias Pailat dɨ tɨbii wê o Yuda lêm gee hɨxôn xomxo Islel ya, he xôn kɨtucma vac vɨgwe ga ên nêb ob vông vɨyin vô Yesu, ông num yuac ngɨbua wê ông vɨnoo i ge.

²⁸He kɨtucma ên nêb ob hi Yesu, tɨyi kɨyang wê ông nêl pyap ilage ya xêkɨzêc wê ông vông ge, ên ông nêb obêc vô nôn lec tɨmuên.

²⁹O Apumtau, gwêbaga xe kɨtaa vô ông bê ông xovô kɨyang vɨyin wê he Yuda levac nêl ge dɨ ngɨdu xe xôn, ên ông nume yuac xe le xêkɨzêc dɨ nêl ông xolac i yêp seac dɨ xonaên i ma.

³⁰Dɨ ông vyax vɨgêm lec xomxo yidac ên he i vô nivɨha lec, dɨ ông vông do levac ya lec num yuac ngɨbua Yesu lê.”

³¹He kɨtaa pyap mêd xumac ti wê he dô vac ge yoc dɨ Myakɨlôhô Ngɨbua lam hɨvun he xôn dɨ he nêl Anutu xolac hɨxôn xêkɨzêc dɨ he o xona lêm.

³²Xomxo vông vinên vɨhati nɨlô tibed dɨ he xêyaa vin lecma, dɨ he ti o nêl ên nêbê susu wê i vông ge, ge ici xe lêm. Nge, susu wê he toto vông ge he yê tɨyi xocbê he vɨhati xe.

³³Mêd Yesu nue ngɨvihi nêl kɨyang hɨxôn xêkɨzêc nêbê Apumtau Yesu kɨdi lec vac yibên, dɨ xomxo vông vinên vɨhati, he dô vac xêyaa vin lecên nɨlô.

³⁴Dɨ he ti, susu o ma ên he lêm, ên xomxo vɨhati vông kɨbun hɨxôn xumac wê he vông ge mɨ tɨbii kɨsuu, dɨ he kô mone