35Condom Teat Jesús tatün manguiay nejiw: ―Jow wüx tüjchiüs icon meamban ngo mejoyiün morral, ngo mejoyiün iquial tomiün, ngo mesoijquiün napüic, ¿tetam icon aleaic leaw nómban ngome tejiürana? ―aj nejiw. Quiaj tapiüngüw: ―Nicuajind, Teat ―awüw.
36Condom quiaj tasaj nejiw: ―Nganüy, leaw ajiür morral ich majoy, at iquial tomiün. Sitiül nop ngo majiür espada, ich manüüb micamix nej mangal nots.
37Cos sasaj icon xique netam marangüch wüx ximbas atnej lasanderac wüx tiül Mipoch Teat Dios, cos apiüng: “Tayacüch atnej nop nerang ngo majneaj”, aw. Meáwan leawa lasanderac wüx quiaj, netam majlüy atnej ―aj nejiw.
38Quiaj tasajüw nej: ―Teat, alningüy ijtsüw espada ―ajüw. Quiaj tasaj nejiw: ―¡Lajlüy, atówan ayaj! ―aj nejiw.
SAN LUCAS 22
SAN LUCAS 22:35-38