Luk 22:35-38

³⁵Ape Jises kamei tesol kahikahin ukek, “Amuto nameni ti nga talomu amuto ailei puasak, nga hone amuto kum kau hehetekie moni ma kakumuto, ma tin kum ngah hahasea axahe aemuto. Nakon hina waliko amuto tae ti lokon ien?” Lato pahoi ukek, “Tap.”

³⁶Jises ukek, “Tuahe aope ie na amuto aile puasak, amuto tunahi kawatan tenen tenen. Aile ape amuto apeas aluawa.

³⁷Waliko ti Haeu kakawen i sohot hani nga, sikole ape i sohot ti i ukek, ‘Laha aile hani i hanowi tel seilon woun lialun.’”

³⁸Tesol kahikahin ukek, “Amite apeasawen. Hua ngol weluwelun ti hile ie.” Tuahe Jises ukek, “Ape tapan. Kum kakak waliko tenen ien.”