Lucas 22:35-38

³⁵Pag kanan Jesus en daida, “Sin nangibaaak en dakayo ay magay intakin yo si pilak, sangi ya pansokatan ay sinilas, ay waday nankolangan yo?” “Maga yan,” insongbat da.

³⁶“Ngem ed wani pay,” kanan Jesus, “din waday pilak ya sangi na et olay itakina, ya din magay kampilana et masapol ay en manlako, olay mo masapol ay ilako na din tak-ep di bado na ta way ibayad na.

³⁷Tan masapol met ay matongpal din naisolat ay kalin Diyos maipanggep en sak-en ay kanana en, ‘Naibilang sisya ay tollisan.’ Et nay dandani ay matongpal.”

³⁸“Apo,” kanan da, “Naey di dowa ay kampilan.” “Kosto et sa,” insongbat na.