San Lucas 14:28-34

²⁸Má, mayanpis juc jatu-jatun wasicta lulayta munal'a yaćhaśhanchicnüpis illaynintam puntactá lican camanan ütac mana camananpäpis.

²⁹Sinu'a allaycuycaćhalcul caćhaycüluptinmi juccunaca asipäculcanman

³⁰‘Mana ishpichinanpä luclu nunaca imapäshi allaycütucülun’ nil.

³¹“Chaynütacmi juc puydï mandacü gïrranacuyta mañaptin puntactá sumätalä śhun'unta tapucun chay ishcay ćhunca walanga (20.000) cachacuyücäta ćhunca walanga (10.000) cachacullanwan yaycunanpäpis.

³²Chaynu mana atipänanta śhun'unćhu yaćhacul'a manaläpis chay juc puydïnin sircayämuptinmi juc willacüninta amistachimunanpä caćhan.

³³Chaynümi amcunapis mana lluy imayquitapis caćhaycul'a nï sumätalä śhun'uyquita tapucul'a manalä atïní canquimanchu.

³⁴“Chaynütacmi caćhipis llallayninwan lisichicun caćhi caśhanta. Chay llallaynin chincäluptin'a ¿imawanćha caćhichacuchwan? Manañaćhari wanupäpis nï imapäpis bälinmanñachu. Jinaptinćha wicapäśha jitaycaćhacun'a. “Linliyu cal'a cay nishäta uyalicalcämay” nil.