Lukas 14:28-34

²⁸“I mavonga kunana, e rei a viri i ngaru ni hae a ruma karaba bara i luhoi kado taro, i tahoka a moni ge haea vona, o i uka. Ma ge vakatubu ni haea, ma ge lobo a moni vona.

²⁹Lakea e huriki bara ri nongo vakia na tahuna ri masia a ruma vona i uka ma i hae loboa.

³⁰Bara ri ta maea, ‘Masia a bakovi iea, i vakatubu ni hae a ruma karaba iea, pali i keri ni vakaloboa.’

³¹“E rei a hariki i ngaru ni vaubi turana tanga tara bara i luhoi kado taro, a tara na nugumaheto vona ala 10,000 ri kara ni rangi a tara na nugumaheto ala 20,000 na hariki tara?

³²Bara i luhoi i uka ma ri gi mulangi, bara i rudu lokovonga malaviriri e huriki a vinuru vona muga ne huriki a pile vona bara ri valai, bara i nanea a hariki iea, i ta maea, ‘A koi tu gu vaubi. A ra o ngarua ga ratea tu gu made na nivalemu?’

³³Mua ranga, mu luhoi kado taro. E rei a viri i uka ma i lohopile a maki lobo vona, i uka ma i kara ge ia a murimuri nau.

³⁴“A sol a maki kamumu. Pali ge lobo a namina, ni gi bole mule tabu navai a namina?