SAN LUCAS 13:31-35

³¹Divi quìvì yucán nì casaà dava nècuàchì fariseu nùù‑yá, te nì cachi‑nè xì‑yá: ―Cuahán‑nî quecuaán‑nî yohó, vàchi cuní Herodes cahnì‑té mii‑ní.

³²Dandu nì cachi‑yà xì nècuàchìmà: ―Cuahán‑nsià, te dohó cachi‑nsià xì tè‑ìcúmí guá maña mà: “Cunaha‑ní, vichi xi tnaa cuàhìn taví ñà‑malu ñuhú anima nèhivì, te dandúvàha stnáì nècuàchì cuhí, dandu quìvì ùnì cuàhìn dansihí chuun xi”.

³³Doco sà‑ìá ñà‑caqui vichi, te tnaa, te idá, vàchi ndè ñuu Jerusalén nduú lugar ndé tùha ndisa nèhivì cahnì‑né iin ana cáhàn cuenta xi Dios.

³⁴’¡Ndahví mii‑nsiá nècuàchì ñuu Jerusalén! vàchi tùha‑nsia cahnì‑nsiá nècuàchì cáhàn palabra xi Dios, vàchi na techúûn‑yánè sàà‑nè nùù‑nsiá dandu caníyúú‑nsiânè ñà‑cui‑nè. Na cuahà guá xichi nì cunì danátáquì mii‑nsiá nùí na ian danátácá sìùn pilu xi‑sì ñà‑nàcùñuhu quisì mà tìxi ndìxì‑sí; doco còó, cónì cùní‑nsià.

³⁵Ñàyùcàndùá icúmí lugar xi‑nsia yohó ndòo nihnia. Te cachí stnáì xì‑nsiá, mà cúní gà‑nsià yùhù ndè cachi sàà quìvì cachi‑nsià xìˊ: “Ndiaha gá mii‑ní, vàchi divi ana vàxi cuenta xi Stoho‑ndà Señor nduu‑ní”.