Luk 13:31-35

³¹Ana pukakiar ning, dingla na Parisaio la hanot tetek e Iesu, pa la atai i mang, “Ur han mite sur ta hanua masik, anasa e Herot i mang sur ir umkol u.”

³²E Iesu i keles la mang, “Mulor han pa mulor atai a pap rokoio ning mange, onone pa latu ar kepsen a motla pa ar alangolango a taraila, pa ana pukakiar lanigo ar arop anuka titol ono.

³³Ar han onone pa latu pa ana pukakiar lamur tana pukakiar latu, anasa bel ta propet ir hirua ting na ta pukna masik, ir hirua ka saot e Jerusalem.

³⁴“Jerusalem, Jerusalem, u ning u umkol a propetla, pa la ning di sune la tetek u, u wolot amat la ka ana hathatla. A galis a pukakiar a mang sur ar kibas taum pas na natnatum arlar ana kakaruk ning i roroh alar na natnatna nahai naur a dehelna, ika bel mulo mang.

³⁵Oroi! E God ir han kusun anumulo a hanua. A atai mulo, bel mulor oroi ulak iau tuk ana pukakiar ning mulor atongi mang, ‘Esaning i hanot ana risan a Leklek i angis.’”