Luka 13:31-35

³¹Wo waati kelen, Farisi doilu nara Isa lali ko: «I ye yan bila ka wa yɔrɔ gbɛrɛ rɔ, baa Mansa Herodi ye i faa ko rɔ.»

³²Isa ka ie jabi: «Ai ye wa a fɔ sɔyani wo yɛ, Herodi kɔnin, ko n ye jina gbɛnna ka bɔ mɔɔilu fɛ, ka jankarɔtoilu lakɛndɛya. Bi ni sini, n ye wo baara kan. A tele sawana, n na baara ri dafa.

³³A fɛrɛ tɛ fo n ye n daja ka n taama bi, a ni sini a ni sini kɛndɛ, baa nabiɲuma kana faa yɔrɔ si fo Jerusalɛmu.»

³⁴Isa ka a kan nabɔ ka fɔ ko: «Jerusalɛmu, Jerusalɛmu. Ai ye nabiɲumailu faala a ni mɛnilu yon ai kawandi la, ai ye woilu bon kaba la ka ie faa. Siɲa siyaman, n tɛrɛ ye a fɛ ka ai ladɛn iko sisɛ ba ri a denilu ladɛn ɲa mɛn ka ie dokon a kɔrɔ. Kɔni ai ma sɔn wo ma.

³⁵Wo rɔ, ai la bon nafilinin de tɛrɛ. Ai ɲa tɛ la n kan butun, fo ai wa a fɔ lon mɛn ko: ‹Kunnadiya wo mɛn nani Maari Alla tɔɔ rɔ.›»