San Lucas 13:27-32

²⁷Niꞌr guiëꞌ lbiꞌiliꞌ: “Rëpaꞌ lbiꞌiliꞌ, cutu nözdaꞌ gazx bunách lbiꞌiliꞌ. Gul‑cuít ga zoaꞌ, yúguꞌtëliꞌ ruaꞌliꞌ döꞌ.”

²⁸Niꞌr cödx yéchiꞌliꞌ len utíl‑l láyaꞌliꞌ catiꞌ gléꞌigacliꞌ‑nëꞌ Abraham len Isaac, len Jacob, len yúguꞌtë bönniꞌ gluꞌë didzaꞌ uláz queëꞌ Dios, nacuꞌë ga niꞌ rna bëꞌë Dios, san lbiꞌiliꞌ zoaliꞌ niꞌl.

²⁹Laꞌdxín bunách laꞌrúj zacaꞌ ga rlen gbidz, len zacaꞌ ga rbia gbidz, len zacaꞌ ga zaꞌ böꞌ ziag, len zacaꞌ ga rdöd gbidz beoꞌ ziag, atiꞌ laꞌböꞌë lahuëꞌ ga niꞌ rna bëꞌë Dios.

³⁰Niꞌr lac blau laꞌgac bunách nacgac caꞌz naꞌa, atiꞌ lugáꞌn caꞌz laꞌgac nup nacgac blau naꞌa.

³¹Laꞌ dza niꞌz guladxinëꞌ ga zoëꞌ Jesús bönniꞌ gdauꞌ fariseo len tëꞌ Lëꞌ: ―Burúj, buzxúndj ni, le rëꞌnnëꞌ gdöddëꞌ Liꞌ Herodes.

³²Jesús rëꞌ lequëꞌ: ―Gul‑tséaj, gul‑tsjödxëꞌ bönniꞌ naꞌ naquëꞌ ca tubaꞌ bözaꞌ, gnaliꞌ: “Byutscaꞌ, rubíjgacaꞌ böꞌ xöhuiꞌ len ruúnaꞌ bunách naꞌa len cxö, len catiꞌ gac lidzj, udx gunaꞌ dxin quiaꞌ.”