Luka 13:27-32

²⁷A ov ka phenel: 'Vaćerava tumenđe da na pendžarava tumen. Ciden tumen mandar, sare tumen so ćerena bišukaripe!'

²⁸Tegani ka roven hem but ka xoljanen so ka dikhen e Avraame, e Isaake, e Jakove hem sa e prorokonen ano carstvo e Devlesoro, a tumen frdime avri.

²⁹O manuša ka aven taro istok hem taro zapad, taro sever hem taro jug hem ka čhiven pe uzalo astali ki gozba ano carstvo e Devlesoro.

³⁰Ače, okola kolai akana prva tegani ka oven ko zadnjo than, a okola kolen akate dikhena sar zadnjonen adari ka oven najbare.”

³¹I tegani nesave fariseja ale koro Isus hem phende lese: “Dža akatar, adalese so o caro o Irod mangela te mudari tut.”

³²O Isus phenđa lenđe: “Džan hem vaćeren adala lisicaće: 'Ka ispudinav e demonen hem ka sasljarav avdive hem tejsa, a ko trito dive završinava.