SAN LUCAS 13:27-32

²⁷Jaun₂ dsa₂ juɨg₅₄ dsi₂néi₂ në́₃, ŋag₃: “Ma₂në₂juá'₃ jniá₂ tsá₃ guion₅₄ i₂'ein₂ 'nia'₂. Cau₅ jŋia'₃ 'nia'₂ ca₂le₃jɨ́ng'₃ i₂jmo₅ dsó'₅ a₂'lɨg'₅₄.”

²⁸Ja₁jaun₂ qui₂o₁'o'₄ o₁quɨ́g'₃ 'nia'₂ jan'₅₄, jë₁ma₂të́₂ rë₁jɨng'₅₄ Abraham, Isaac, Jacob, quian'₅₄ ca₂le₃jɨ́n₃ guë́₄ dsa₂ i₂jme₁'ë́₂ jág₁ quián₅ Diú₄, tioin'₅₄ ja₁gon₂ Diú₄, la₁ 'nia'₂ guë'₂ në́₃, dsɨ₃gang'₅₄ uɨ́ng₂.

²⁹Ia₁ qui₂ja₃len₅ i₂chan₂ ca₂taun₂ ca₂taun₂ mɨ₂güɨ́g₃ ja₃tiain'₂ guë́'₃ co₂dsia₅ ja₁gon₂ Diú₄.

³⁰La₁ lé₂, chan₂ i₂lɨn₅₄ i₂tión₂ le₃jë₁ca₂tó'₂, të₃tsɨin'₅₄ le₃ne₄ juɨ₅; i₂tión₂ le₃ne₄ juɨ₅ rë₂në́₃ guë'₂ në́₃, të₃tsɨin'₅₄ le₃jë₁ca₂tó'₂.

³¹Hora jaun₂ dé₄ dsi₃lén₂ i₂lɨn₅₄ dsa₂ fariseos, ca₂juá'₂: ―Co₂ŋei'₅₄ dse₃ jú₅ ja₁lá₃, quian₂ juɨ₅ quiáng'₂, ia₁ 'nio₃ Herodes jŋag'₃.

³²Jaun₂ ca₂ŋag₃ táng₃ Jesús: ―O₂nó'₅ 'nia'₂, o₂chei'₅₄ dsɨ₂ma₂jág₂ 'éi₂: “Ŋí₂, la₂ bá₄ 'ú₄, në₃, 'ióg₃ në́₃; në₃ bá₄ guë́₄ 'uɨng'₅₄ jme₂dsí₂ je₂na'₅₄ quió'₅ dsa₂, në₃ guë́₄ qui₂jme₁'liong₅₄ dsa₂. 'Ióg₃ caun₂ guë́₄ 'ŋia₅ quió₃.”