San Lucas 13:11-17

¹¹Topʉ watĩno cʉoricoro ijiahye. Watĩno pehe diez y ocho cʉhmari waro dohatigʉ̃ yeahye ticorore. Sa yero pari tjũ ducuricoro ijiro, poto ducu masiedahye.

¹²Ticoro sa ijigʉ̃ ihñano Jesu ticorore ihña, pisuahye: —‍Numio, mʉhʉ dohatiye pihtia wahare, ni, pisuahye Jesu.

¹³Tiquiro pisuri bato ticorore tiquiro ña peogʉ̃ duita ticoro quehnoano poto dʉca sahye. Sa waharo “Cohãcjʉ̃ tutuagʉ, quehnoagʉ ijire mʉhʉ”, ni ño peoahye ticoro.

¹⁴Jesu ticorore saurú deco ijigʉ̃ tiquiro yʉhdʉogʉ̃ ihñano judio masa buheri wʉhʉ cohteriquiro pehe tiquiro mehna usuahye. Sa usuaro tiquiro masare ohõ saha niahye: —‍Seis decori ijire mari dahraye decori. Sa yena mʉsa dohatiyequinare yʉhdʉo duana, ti decorire tire yeya. Saurú mari sori decore tire yeracãhña, niahye ti wʉhʉre cohteriquiro.

¹⁵Tiquiro sa nigʉ̃ Jesu ohõ saha ni yʉhtiahye: —‍Masa ihñono dihita quehnoana iji mehona ijire mʉsa. Mʉsa wecʉre, burro gʉ̃hʉre cʉona saurú decore tiquina dʉhteri dare pã, tiquinare ne buha, sihni dutiboaga.

¹⁶Yojopʉ ahricorore Abrahã mʉnano acayorore watĩno diez y ocho cʉhmari waro ticorore dohatigʉ̃ yere. ¿Saurú deco ijigʉ̃ ticorore yʉhdʉo dutierajari mʉsa? niahye Jesu.

¹⁷Tiquiro sa nigʉ̃ tʉhoye, tiquina bʉoro wahahye. Sa ye apequina pehe ijipihtiyequina Jesu yerire ihña, bucueahye.