11ᤂᤧᤵᤔᤥ ᤋᤱᤒᤣ ᤌᤡᤰ-ᤕᤧᤳᤋᤠᤱᤎᤥ (᥇᥎) ᤀᤢᤎᤢᤰᤁᤣ ᤑᤧᤴᤛᤠᤶᤔᤡᤸᤗᤧ ᤕᤠᤱᤄᤢᤀᤠᤱ ᤁᤢᤀᤣ᤺ᤰ ᤀᤢ᤺ᤰᤂᤢ᤹ ᤁᤧᤗ᤹ᤔᤠ ᤔᤧᤴᤇᤢᤔᤠ᤹ᤎᤡᤰ ᤘᤕᤧ॥ ᤂᤧᤸᤗᤧ ᤁᤢᤀᤣ᤺ᤰ ᤛᤸᤗᤡᤰ ᤛᤶᤔᤠ ᤔᤧᤛᤢᤰᤋᤢᤴᤏᤠᤱ ᤘᤕᤧᤖᤥ॥
12ᤕᤧᤛᤢᤖᤧ ᤂᤧᤴ ᤔᤧᤴᤇᤢᤔᤠ᤹ᤀᤡᤴ ᤏᤡ᤺ᤛᤢᤀᤠᤱ ᤀᤢ᤺ᤳᤋᤢᤀᤠᤱ ᤔᤧᤳᤋᤢ. “ᤀᤠᤸᤗᤥ ᤀᤢᤎᤢᤰᤁᤣ ᤑᤧᤴᤛᤠᤶᤔᤡᤸᤗᤧ ᤂᤧᤏᤧ᤹ ᤁᤧᤗᤧᤖᤧ ᤁᤧᤎᤩᤧᤖᤥ॥”
13ᤜᤧᤰᤁᤩᤠᤱ ᤂᤧᤴ ᤀᤢ᤺ᤰᤂᤢ᤹ᤒᤠ ᤁᤢᤀᤣ᤺ᤰᤁᤥ ᤜᤢᤰᤁᤡᤴ ᤏᤧᤛ᤻ᤛᤢ ᤐᤡᤖᤢ॥ ᤂᤡᤔᤥ ᤂᤧᤴ ᤔᤧᤴᤇᤢᤔᤠ᤹ᤀᤡᤴ ᤏᤢᤖᤧᤀᤠᤱ ᤁᤢᤀᤣ᤺ᤰᤁᤡᤴ ᤛᤸᤗᤡᤰ ᤛᤴᤇᤢᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤑᤥ᤺ᤛᤢᤖᤥ॥
14ᤁᤖ ᤏᤠ᤺ᤶᤛᤡᤱ ᤕᤧᤴᤏᤥ ᤕᤧᤛᤢᤖᤧ ᤂᤧᤴ ᤔᤧᤴᤇᤢᤔᤠ᤹ᤀᤡᤴ ᤏᤢᤛᤢᤒᤠᤸᤗᤧ ᤆᤥᤃᤢᤸᤗᤧ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥᤒᤠ ᤗᤠᤶᤗᤥ᤺ᤒᤠᤴ ᤁᤢᤛᤠᤰᤁᤧᤴ ᤐᤥᤃᤧᤀᤠᤱ ᤂᤧᤵᤔᤥ ᤔᤏᤠᤜᤠ᤹ ᤔᤧᤳᤋᤢᤛᤡ. “ᤕᤧᤳᤏᤠᤶᤎᤡᤰᤁᤥ ᤋᤢᤰᤛᤡ (᥌) ᤕᤧᤴ ᤌᤠᤖᤡᤰ ᤕᤠ᤺ᤶᤒᤰ ᤆᤥ᤺ᤰᤔᤠ ᤛᤢᤰᤋᤧᤳ॥ ᤜᤧᤰᤁᤣ᤺ᤸᤗᤧ ᤏᤠ᤺ᤶᤛᤡᤱ ᤕᤧᤴᤏᤥ ᤔᤧ᤺ᤴ. ᤁᤖ ᤘᤣ᤹ ᤕᤧᤴᤜᤠ᤹ᤀᤥ ᤏᤢᤛᤡᤱᤛᤧ ᤋᤩᤧᤶᤔᤧ᤹॥”
15ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤂᤡᤏᤡ᤹ ᤁᤢᤏᤡᤱᤘᤠ᤹ ᤁᤧᤈᤡ᤺ᤵᤐᤠᤛᤣ. ᤏᤠ᤺ᤶᤛᤡᤱ ᤕᤧᤴᤏᤥ ᤂᤡᤏᤡ᤹ ᤌᤠ᤺ᤱᤅᤥᤗᤠᤶ ᤐᤡᤳᤜᤠ᤹ ᤀᤡᤃᤪ ᤀᤍᤱᤜᤠ᤹ ᤁᤧᤗᤧᤖᤢᤶᤛᤡᤶᤔᤠᤱ ᤆᤫᤠ᤺ᤳ ᤌᤢᤱᤛᤧ ᤁᤧᤍᤣ᤹ᤖᤢᤶᤛᤡᤶᤒᤡ ᤔᤧ᤺ᤶᤒᤡ᥅
16ᤁᤴ ᤀᤒᤪᤠᤜᤠᤔᤖᤧ ᤁᤢᤜᤡᤶᤛᤕᤱᤒᤠ ᤔᤧᤴᤇᤢᤔᤠ᤹ᤀᤡᤴ ᤋᤱᤒᤣ ᤌᤡᤰ-ᤕᤧᤳᤋᤠᤱᤎᤥ (᥇᥎) ᤔᤠᤑᤧᤴᤛᤠᤶᤔᤡᤸᤗᤧ ᤌᤢ᤺ᤴᤍᤢᤀᤠᤱ ᤘᤕᤧ॥ ᤁᤴ ᤏᤠ᤺ᤶᤛᤡᤱ ᤕᤧᤴᤏᤥ ᤂᤧᤴ ᤔᤠᤑᤧᤴᤛᤠᤶᤔᤡᤸᤗᤧ ᤁᤢᤀᤡᤄᤣ᤺ᤱᤅᤥᤗᤠᤶ ᤗᤧᤵᤔᤠ ᤏᤢ᤺ᤒᤠᤒᤡ ᤔᤧ᤺ᤶᤒᤡ᥅”
17ᤕᤧᤛᤢᤖᤧ ᤜᤧᤰᤁᤣ ᤐᤠ᤺ᤳᤋᤢᤸᤗᤧ ᤁᤢᤍᤰᤗᤧᤱᤘᤠᤀᤥ ᤁᤧᤒᤠ᤺ᤵᤐᤠᤜᤠ᤹ ᤁᤧᤖᤧᤰ ᤔᤧᤏᤢ᤺ᤴᤍᤧᤖᤥ॥ ᤁᤖ ᤔᤏᤠᤜᤠ᤹ ᤕᤧᤛᤢᤖᤧ ᤆᤥᤃᤢᤒᤠ ᤏᤡᤱᤘᤠ᤹ ᤁᤧᤔᤠᤒᤠ ᤐᤠ᤺ᤴᤏᤡᤸᤗᤧ ᤆᤥᤃᤢᤸᤗᤧ ᤔᤧᤛ᤺ᤳᤋᤧᤖᤥ॥
ᤗᤢᤁᤠ 13
ᤗᤢᤁᤠ 13:11-17