San Juan 4:39-53

³⁹Beṉ' zan beṉ' Samáriaka', beṉ'ka' lle' yell Sicara' benḻilall'gake' Jesúza' daa goll noola' ḻegake': “Ba wne' nad' yog'te dii ba ben'.”

⁴⁰Na'ch ka bllingake' gana' chi' Jesúza', got'yogakile'ne' kwenc̱he yigaaṉlene' ḻegake'. Na' bigaaṉe' na' c̱hop lla.

⁴¹Na' beṉ' zanch benḻilall'gake'ne' daa bengakile' dillaa cho'e.

⁴²Na'ch che'gake' noola': ―Ṉaach ba chajḻe'nto', aga daa wnazo' neto' kan', san kwinkznton' ba beninto' cho'e dillaa na' ṉezinto' dii ḻi ḻekzen' beena' yisla beṉ' yell-lioni kwenc̱he bi kwiayi'gake'.

⁴³Na' ka gok c̱hop lla, bizee biyaje' gana' mbani Galileana'.

⁴⁴Kwinkz Jesúza' wne' nan to beṉ' chyix̱jee daa che' Chioza'ne' aga no chgoo ḻe' balaaṉ lalle'na'.

⁴⁵Na' ka billine' gana' mbani Galileana', blebgake'ne' daa ble'gakile' yog' daa bene' Jerusalénna' ka goḻ' lṉi Paskwa'.

⁴⁶Na' dii yoblə wizaj Jesúza' yell Canána' daa llia gana' mbani Galileana', gana' biyone' nisa' vino. Na' yella' zoa to beṉ' zakii beṉ' chon llin c̱he beṉ' wṉabia'na', na' zoa to xiiṉe' bi' byo bi shao'b'.

⁴⁷Na' ka wṉezile' ba billin Jesúza' Galileana' zizee Judeana'lə, na' wyaje' lawe'na' got'yoile'ne' shaje' lljayene' bi' c̱he'na' daa ba chakshwetb'.

⁴⁸Na'ch che' Jesúza'ne': ―Aga wyajḻe'le c̱ha' shi bibi yeḻ' wak gon' ile'ile.

⁴⁹Na' beṉ' wṉabia'na' chi'ene': ―Beṉ'do', ben goklen dagach ṉaate, shategali biṉ' guet bi' c̱ha'na'.

⁵⁰Na'ch che' Jesúza'ne': ―Biyaj, jawia. Aga wet bi'na'. Na' beena' wyajḻi'e daa goll Jesúza'ne' na' bizee.

⁵¹Na' ka ba zoa yilline' lille'na' jatiḻ xmose'ka' ḻe', che'gake'ne': ―Ba biyaki bi' c̱ho'na'.

⁵²Na'ch wṉabile' ḻegake' ka do bi gor wzolo chiyakshao'lall'b'. Na' che'gake'ne': ―Daa ṉeji do ka chida to bichejb' dii ḻana'.

⁵³Na'ch gokbe'i x̱abaa biyakshao'lall'b' ka gora' goll Jesúza'ne': “Biyaj jawia. Aga wet bi'na'.” Na' ḻe' len yog' beṉ'ka' zoa lille'na' benḻilall'gake' Jesúza'.