Juan 4:39-53

³⁹Chi Sama­ria pui­blu­manda war­mika, chipi kaug­sa­na­kuskata Jesus­manda willag­rirka, kasa nispa: —Tukui nuka ima ruraska­ta­mi willa­warka. Chasa uias­paka, achka­kuna Jesus­manda suma iuia­rir­ka­kuna.

⁴⁰Nis­paka, pai­pagma chaiag­rispa, maña­na­kurka: —Nukan­chi­wa kai­lla­pi kai. Chi­manda Jesús, iskai punchami pai­kuna­wa karka.

⁴¹Pai rima­kuska­ta uias­paka, mas achka­kuna­mi paita suma iuia­rir­ka­kuna.

⁴²Nis­paka, chi warmita nir­ka­kuna: —Ña kuna­ura­manda, kam rima­kuska­lla­taka mana pai­manda suma iuia­rin­chi­chu. Nukan­chi kikin­kuna, paita uiaspa­mi iachan­chi, pai sutipa kai alpa­manda runa­kunata kispi­chig kan­ga­pa kagta.

⁴³Chi pui­blupi iskai puncha chi­sias­paka, Jesuska llugsirka, pai kikin­pa Gali­lea alpama rin­ga­pa.

⁴⁴Jesús kikin willaska karka, kasa nispa: “Kikinpa alpapi, Santu Ispi­ri­tu­wa rimag­kunata mana alli­lla kuian­kuna­chu”.

⁴⁵Chi Gali­lea alpapi kaug­sa­na­kug, paskua atun puncha Jeru­salenpi Jesús tukui mana ima­ura­pas kawaska­sina ruraska­ta­mi kawaska kar­ka­kuna. Chi­manda­mi, Jesús chipi chaiag­ri­uraka, paita iapa sumag­lla chas­kir­ka­kuna.

⁴⁶Jesús ña Gali­leapi kaspa, Kaná pui­bluma ikuti chaiag­rirka, ñug­pa­ta iakuta binu ruraska kaska­ma. Chipi karkami sug atun mandag­ta aidag runa. Chi runapa wam­braka, Kafarnaum pui­blupi ungug­si siri­kurka.

⁴⁷Chi runaka, Jesús Judea­manda Gali­leama chaia­kugta iachas­paka, pai kaska­ma rirka. Chaiag­ris­paka, mañai kalla­rirka, kasa nispa: —Nuka­pa wasima ri­puai, nuka­pa wam­brata ambi­puan­ga­pa. Ñami wañu­pua­ku.

⁴⁸Jesuska nirka: —Mana kam­kunata ima­ura­pas kawas­ka­sina mana kawa­chig­pika, mana nuka­manda suma iuia­wan­gi­chi­chu.

⁴⁹Chi runaka nirka: —Taita waugki, ri­puai, nuka­pa wam­bra manara wañu­puagpi.

⁵⁰Chasa ni­ura, Jesús nirka: —Riilla kamba wasima. Kamba wam­bra, kaug­sa­mi ka. Jesús niskata uiaspa, suma iuiai­lla­wa­mi chi runaka rirkalla.

⁵¹Ña wasima chaia­kug­ri­uraka, pai­pa sug lutrin­kuna, wasi­manda llug­sispa, tupag­rir­ka­kuna, paita willaspa: —Kamba wam­bra, alli­lla kaug­sa­mi ka.

⁵²Chi­ura, paika tapurka: —¿Imasa­uratak ambi­rirka? —Kaina, chaugpuncha ialimi rupai­ka anchurka— ainir­ka­kuna.

⁵³Chasa aini­uraka, chi ungugpa taitaka iuia­rirka: “Chasa­ura­lla­ta­ta­mi Jesús ni­warka: ‘Kamba wam­bra, kaug­sa­mi ka’.” Chasa iuia­ris­paka, pai i paipa tukui wasi­manda­kuna, Jesus­manda mas suma iuia­rir­ka­kuna.