SAN JUAN 11:29-46

²⁹Are María coinhi jihi, jehe jaicoa vingattjen co cjoi joitsjehe Jesús.

³⁰Jesús ẍa joigaha rajna rato mé; ixin jehe ẍa vittohe ngain tti lugar vetanxin Marta.

³¹Are ni icha vicon na que María jaicoa vingattjen co vac̈hje, tti chojni judío que te nttiha ngain nchiandoha María ixin tedantsjehe na joachjaon ansén, jehe na rroé na María ixin jehe na ẍaxaon na que María sarrocji ngain tti jiẍavá xanchó para rrotsjangaxin nttiha.

³²Cottimeja María, are joiji tti jí Jesús, María vettoxin nttajochjihi ngaca rotté Jesús, co ndac̈ho: ―Si soixin rrogarihi nttihi, xanchian rroguenha xan.

³³Are Jesús vicon que María jitsjanga co cain chojni judío que joicao María tetsjanga na cai, Jesús vechín co anto soji ná joachjaon conohe ngain ansén.

³⁴Cottimeja Jesús joanchiangui co ndac̈ho: ―¿Ttinó cjoavá ra Lázaro? Co jehe na ndac̈ho na: ―Ẍacoi soixin, sitsjehe.

³⁵Co Jesús tsjanga.

³⁶Cottimeja chojni judío ndac̈ho na: ―Tsjenxin ra, anto joinao xí jihi Lázaro.

³⁷Pero icanxin de jehe na ndac̈ho na: ―Xí jihi tti chjé jmacon tti xí que vaguiconha, ¿co jai, aẍonhi ná cosa nchao rrojinchehe xa para que Lázaro rroguenha?

³⁸Jesús cjan conohe iná joachjaon anto soji, co jehe conchienhe ngain tti jiẍavá Lázaro ngain ná cueva, co jijé ná ẍo tti dixinxin na.

³⁹Jesús ndac̈ho: ―Dinttjian ra ẍo. Marta, nc̈hichó jehe tti ndavenhe, ndac̈ho nc̈ha ngain Jesús: ―Pero puede atto ẍa ixin ochonda nó nchanho que ndavenhe.

⁴⁰Pero Jesús ndac̈ho: ―¿Andattjoha que si sitticaon nganji na janha, jaha sicon joachaxín Dios?

⁴¹Cottimeja vinttjian na ẍo mé. Co Jesús tsjehe para ngajni co ndac̈ho: ―Padre soixin, chjaha gracias ixin coinhi tti janha ndac̈hjan.

⁴²Janha nona que cainxin tiempo ttinhi tti janha ndac̈hjan, pero jai janha rrindac̈hjan jihi para que chojni tehe sicon na que soixin ttinhi tti janha ndac̈hjan nganji, co para que sitticaon na que soixin rroanha na janha.

⁴³Are joexin ndac̈ho Jesús jihi, jehe ndac̈ho sén: ―¡Lázaro, dac̈hjexin de yá!

⁴⁴Co jehe tti ndavenhe mé vac̈hje. Ngoixin cuerpoe jisiandanji ná tira de manta que jic̈hiaxin de rá co de rotté, co ngá con jisia iná manta. Jesús ndac̈ho: ―Tonxindanguehe ra co tanc̈hjanda ra satsji.

⁴⁵Conixin jihi, tsje chojni judío vitticaon na Jesús, tti nijoicao María co vicon na tti joinchehe Jesús.

⁴⁶Pero icanxin de jehe na cjoi na ngain xifariseo joitsjehe na xa co coequín na xa tti joinchehe Jesús.