Samu 96:6-13

⁶Ha le konali yaꞌamo haneꞌnigeno kini vekamo maiꞌniye. Lokiya vekamo maiꞌnigeꞌa hapaꞌye huꞌnigeꞌapaeꞌmo neꞌagaya vekamo maiꞌniye.

⁷Muki ma mopafi vayaꞌmogitapae, huꞌna, Ala kava neꞌmo agiꞌaleꞌmo alitapa asaga hutetapa ha le konali yaꞌaleꞌe lokiyaꞌaleꞌefeꞌmo agiꞌaleꞌmo alitapa asaga hiyo.

⁸Ala agiꞌamo haneꞌniyaꞌmofeꞌmo agiꞌaleꞌmo alitapa asaga hutetapa ofalinimo alinita agaetegamo eyo.

⁹Aote kavaꞌmo nehutapaekeꞌmo Ala kava nefeꞌmo mono hiyo. Muki ma mopafi vayaꞌmogitapamo agaefekeꞌmo atete hutapa maiyo.

¹⁰Muki alu nofi vaya alu nofi vayaꞌaifeꞌmo, Ala kava neꞌmoꞌa yagaino neꞌmaiye, hutapa hapa paiyo. Mopamo alino lokiya vaino ateteno maleꞌniyanageno afaꞌa hanegaiye. Agaemo fatago kavaꞌmo nehunoꞌaeꞌmo muki vayaꞌmo alino fako huno apategaiye.

¹¹Kokuꞌnaꞌmogamo kamogaga aigenoꞌao mopamoꞌeꞌmo amogaga aino. Solovala aniꞌmogaꞌe solovala anipiꞌmo maiꞌnaya yaꞌmogiꞌeꞌmo alopa gefatiꞌmo huteꞌa apamogaga aiyo.

¹²Hoyamogaꞌe hoyafiꞌmo haneꞌnaya neꞌyaꞌmogiꞌeꞌmo lapamogaga aiyo. Yahaofilaga yosamoꞌa alopa gefatiꞌmo huteno amogaga aigiye.

¹³Ala kava neꞌmo muki ma mopafi vayaꞌaiteꞌmo yagaino apatesiyafeꞌmo eminegaiye. Agaemo alagi alagepa fatago kavaꞌmo huno muki ma mopafi vayaꞌaiteꞌmo yagaino apategaiye.