SAM 27:4-14

⁴Nata Buyambamtapa sanga tapatuekan ininggamatanggat. Inike nata take siknga ita unzing tasiwikge nataat. Nata inikwaike nata itane you buyambam gwene yusika kupit. Sike na ita nae take tasinggakge nata ie apbakngawit. Siwan nata iniwa ita kepi noman taknga yeikngamik.

⁵Sike sanga wai takngatu nae apanu ita na inane yotnaatang takusopuwik. Ita gwambok yapuke take siknga takusopuwik. Takusopuke ita na suu buyambam siknga gwendune engatangan napmamban iwanata nutnanga dua siwik.

⁶Unzingge na iwanata na umupbasining ngana ayapbimbit. Siwan nata apbakngake kumzang yanggamatake sanga imukaing binga Anutue yotnane tasiwit. Tasike nata kap taike umana yatangenawit.

⁷Buyambam tapa, tapduu nata ga ganiwit komune gata nae musip kwikwik natangamuyo. Gata natane tumuk wama natake gatangamuyo.

⁸Sike nata musipmaatangu gae anzing nataat, “Nata gae asaapit.” Unzingge Buyambam tapa, nata gae asaapit.

⁹Sike gata nae ma kusopuwim. Gata nae masaka ma namim. Na gatane puya aminda. Nae kaanga natake ma nanikwasiwim. Anutu, ga natane gatak gatak kapana. Ge gata na ma napmambim.

¹⁰Siwan mingananata nae masa apba namusan, ngana Buyambam tapata na take apme nanduyuwik.

¹¹Buyambam tapa, gata sanga nata tasiwitde take nataayak kaknga nanindamumbi tasiwit. Na iwana kwaapzang siknga yuaingge kepi noman tapane nanitake kuyo.

¹²Sike gata dua kapewi iwanata na taning. Sike waaminda kem wam yake na atnutnangge yakaing.

¹³Siwan nata anzing natapa kekekanggak. Masande Anututa aminu inane take siknga toimban nata kayuk yuke kawit.

¹⁴Siwan gata Buyambam tapae banip sike kekeknga yuyo. Yuke musipbaatang natapi kekekayok. Kekekawan Buyambam tapata gatanggamikge natayuyo.