Sam 27:4-14

⁴Ne Iawe God iririsapo dewa dea os ne baina dewasapi: walama uduudu ne inawana bedewe me duwa bedewe wainepina, ne me euwaa ewapaa menanede ita me duwa kakaiwa bedewe mampe rauparintapa.

⁵Ne poka mainawo wisempo me bola euda bedewe wereganepi, me duwa bedewe ne onianepi, me nau osowe ionoido itunepi.

⁶Ne emalawoana apanawa uara enapue pananeapu, tane ne mo onaponteapa. Ne Iawe God duwa bedewe me mampe pue pulontape supa, ne nuaeu mampe ka wape sino epape ita sasantapa Iawe God mampe.

⁷Iawe God, manawo rauparintepino etanea, nuaparenaite saunea!

⁸E ne dianee waanase, “Wine mainawo gagaloitaa.” Sa baiwa tauma ne manawo iedina.

⁹Ne ipa e nolaa dewalala, mai nuaa kadilepio adia ne mainawo itua, e mai weregaitaa! E ne inaneana, e walama uduudu ne sauneie, sa baiwa tauma mai nebaida enea! Mai eneaiaa!

¹⁰Naita ne mamana ita inana adiu ne mainawo itupu, tane Iawe God walama uduudu wadanempe mampeneampa.

¹¹Iawe God, ne emalawoana apanawa wadaneapua baiwantoi, sa baiwa waeuwaneawo waroroepa, e inta dodomana asiasi banlanea.

¹²Emalawoa apanawa sa ne lagana wai, mo ne kadineapua menamode, sa baiwa e mai mo emowo ne wadaneapu!

¹³Ne sumanaintedina Iawe God euda dewasapio ewapa, tawo ema osowe inawaa wainepino me dewasapi.

¹⁴Sa baiwa Iawe God sumanaiwaitana, insaisala itune badowa enonuna, Iawe God sumanaiwaitana.