SAM 21:2-11

²Sanga ita musiaatang take nataau gata gwa imukuyak. Ngan, sangae ganikuu dua kotnake gwa imukuyak.

³Ita gae apan gata gaak wam inike sanga take siknga aknga imukuyak. Sanga imuke ita King dakngawikge natake gata Kinggane kupna gwaam siknga golmonita tasiya gwapakngane gwapungamukuyak.

⁴Ita kayuk yutnanga akngae ganiwan gata asiimukuyak. Siwan kayuk yutnanga waaknga tasiwi mamaya siknga asinggan yuwik.

⁵Gata gatangami ita iwana kuupbam yapbike umana enane siknga kopsa apa dakngake yuak. Ngan, gata umana kopsa takngaat gatu kekeknga akngaat gata gika imukuyak.

⁶Gata ie take siknga tasingamunggayak. Siwan siakan siknga, gata unzingu asinggan asinggan tasinggayak. Ga iat gatake wesim yuwawi musia tatanga siknga singgak.

⁷Siwan kingu waapata Buyambam tapae banip tanggak. Anutu enane siknga apata, King kapae musip kwikwiu asinggan natangamuke tasiwan ita kekeknga yuwik.

⁸Ngan, ga king kapata iwanda kuupbam panggaganuwiyak. Panggaganuke aminu gae apbitakaing aminu kauutde peya.

⁹Gatu ga kakaa komune apukengu gata iwanda pasiwi sopuning. Unzing katapda sangabam yasiwan kungwakaing binga. Siakan, Buyambam tapata musia toknga natayamuke waaminu yaipapaakusike katapda kuupbam sapewan yasining. Unzing aminu tapatuta sanga ngok guyangukgak binga.

¹⁰Siwan ga king kapa, iwandatane waatdakana kuupbam zipi kumning. Ngan, gata wenagom pasiwi waatdaka waakwau keu andakane wena sining.

¹¹Waaminda natdeu pake gatu wamu yandeke gae wai tasinangge yaning. Siwan ngana waaminda ga gapbitnanga dua siwik.