Godigo Nogi Ugwaba Sabo Tęąbi Po Wabo Buku Dabe 21:2-11

²Te agai wei eyu sainu yali nai, nago agaba manio. Awe, agai nageba hanalu wali nai, nago te agaba mani.

³Nage agaba asiyu, te wiegi yai homu ilabo nai dali sela asai. Tama nago te wiegi yai kapa gol elalubo kingo madi aga toboluba muai.

⁴Agai nageba te bidibo ula mao po hanalu obaso, tama nago aga mawai. Mu tama, nago aga bidibo ula te sesabi mu elama, bidimainu yai.

⁵Nago aga tau selama, tama aga genuai nogi mu elalubao. Nago nogi me bomo digi nago aga mani.

⁶Mu tama, te nago wiegi yai sę ebo kolesaga agade sesemane elaluaibao. Nage aga pąde bidiyu, tama tebogo aga wiegi yai homu pemene mu ilibo dao.

⁷Te Ugwade Mu Bidibo Boma Pai God, kingo nageba konealubo homu dąų mu wali. Nago olo tau sabo wiegi yai kolesaga sesemane sogo te kingba ebaso, tama tiyu, te aga bomo elama, dolalu iduaibao.

⁸Te kingo aga boi bidi tigidali nogogo touwaibao. Tama aga digi te aga wei homu isiąbo bidi dabe te kalabus yaibao.

⁹Te aga hania te pepeli diliba pedalubo sogo da, teda agai te boi bidi dabe ela silibo da, te genuai siago te nai dabe ulubo tiwai gilama yaibao. Mu tama, te Godigo wado po weyu, tama augwali aiyaba elaluama, tama te siago augwali tigidali dela silaibao.

¹⁰Te kingo augwaligo wai tigidali ela silaibao. Tama te augwali hanigo wai dabe te tǫde munu me bidigobeo.

¹¹Te boi bidi dabe augwa homude koneama, tama agaba dwai sę yabo miani. Tiali goli, augwaligo aga aiyaba elaluainu ebo usu me ebeo.