SALAMO 21:2-11

²Lalona e uramu ḡauna oi ese vada o henia; uduna bibinadia edia noinoi na so rua. (Selah)

³Emu hahenamo ḡaudia namo-hereadia ese ia e gunalaiamu; havava ḡauna, gold namo-hereana amo e karaia, na ia kwarana ai o havavalaiamu.

⁴Ia ese mauri e noia emu ai; oi ese o henia; ena mauri dinadia o hadaudau, ela bona hanaihanai.

⁵Oiemu hekaha dainai taunimanima ese e imodaia badamu; hairai bona siahu oi ese vada o henia.

⁶Momokani, oi ese vada o hanamoa bada ela bona hanaihanai; oi vairamu moalena amo vada o hamoalea.

⁷Badina be hanua pavapavana ese Iehova e abidadama heniamu; Herea Mikamika ena hebogahisi dainai ia na basine marere.

⁸Oi imamu ese oi inaimu iboudiai baine davaridia; oi imamu idibana ese e inai henimumu taudia iboudiai do baine davaridia.

⁹Ba hedinarai negana ai amu mai siahuna heḡereḡerena ai ba halaodia. Iehova ese ena badu ai baine hadonodia, lahi ese baine aradia ore.

¹⁰Oi ese idia garadia na tanobada amo ba habuadia; idia natudia na taunimanima natudia bogaragidia amo ba habuadia tari.

¹¹Oi ihadikamu dalana e haeroa, lalo-hadai dikana ta e laloa heḡaeḡae; to asi edia dala karana bae karaia.