Salmo 95:4-10

⁴Kandin is kinezizeleman kayi te kelibutan wey is puntur te menge vuntud.

⁵Kandin daan is daǥat wey is tanà su iyan sikandin mibaal kayi.

⁶Kuwa kew en, edluhud kiw te ked-ezapa te Nengazen he midlimbag kenitew.

⁷Su iyan sikandin Megbevayè tew, ne iyan kiw menge etew zin he mibentayan din wey mid-elimahan din iring te kebantey wey ked-elima te menge kerehidu. Emun egkezineg niw ǥuntaan is egkeǥiyen te Megbevayà,

⁸ne kenè niw pekezesena is gehinawa niw iring te mibeelan te menge kepuun niw zengan hein diyà sikandan te Meriba, wey hein diyà sikandan te sibsivayan he Masa.

⁹Migkaǥi is Megbevayà te, “Migezaman e zan dutun minsan pa neehè dan is tavang ku kandan.

¹⁰Ne seled te 40 he tuig is kegkepeuki ku zutun he lapis te kevuwazan. Ne migkaǥi ku he mid-iniyuǥan a zutun he menge etew ne wazè dan sunuza is impenurù ku kandan.