Sam keil 95:4-10

⁴Out vasi en out netan amul en hen. Anatin, kei mul losil kat huinev ten atan vina rokol mari vatihou keil nesa vis nesa mok.

⁵Atas vi onen, veni kei varei mumoni. Ka atan vasi keil vi osen veni hen keilu mumoni.

⁶Almai, rovaha netan ka rehemalingling mini. Anatin, rehetetengeiril en meten Iahova koa mumon ir.

⁷Suval meatin tai koa mul losil kat revi sipsip keil osen, kei vi Ahi orer ka mul losil kat revi ir koa rovi meatin keil onen. Kosa, mihelong revi asa koa Ahi viteni min kami vit,

⁸“Minoumontei vatumi nakeih nasuval avu onami keil amumoni en out Meribah, nasuval koa amumoni en avong enek en out volvol ten out Massah.

⁹Avu onami keil asak vis inau, avaseini keke alei kilea tounah houlu tuai koa namumoni ven keil.

¹⁰Sua hanumau elu (40), keil atisaso en metok, veni tine mul soutin ranau ka e rovattei mun availea mengkatien keil onak.