Sam 95:4-10

⁴Neni im gomgonga mavana axap at lavatbung menemen, tuka i ro xeneng tubu at lempatbuang i si aleng, la uto xa vana at lempatkaana babaalom.

⁵Neni im gomgonga mavana at laras no neni ga lox i. La laxangka bok no neni axa ga rudum i.

⁶Ude nimi, la ata xis tintiding la ata ngising tin. Ata xis mi lempatgulom atdik at lemeren Leeme Silok, neni Laradi Runtudum Li atdik!

⁷Neni ne Moroa atnedik. La neni ik lok tatao nedik limixin, ta ngan levesipsip no neni im taba luxa di. Mo do mina ronga laxaka at ne Moroa lingina,

⁸“Mi gutak lox ametarauat lebelen nimi, ngan lavalabat atnemi digak lox i ro Meriba, la kerekngan bok mo laaleng digak lok to at lamatbin Masa.

⁹Diga edak minia go, la diga lok tong ia, keke i do digara ven pam lempanga silok agak lox i ridi.

¹⁰At lavanuet sangaun maares axap, aga bele songsongot tinotno mi limixin ap mo loola. Aga lok keretna, ‘Lebelendi i onon petpes amisik basinge ia la diga ronga xepe levempapaase ali rak.’