Salmo 91:9-16

⁹Geina te ziyè ke man med-aput te Nengazen he iyan kes Utew Lavew he Megbevayà he iyan ebpengalang kedì,

¹⁰umbe wazà limas etawa vangkit he ebpekezezaat kenikew wey te pemilya nu.

¹¹Su edsuǥuen te Megbevayà is menge velinsuǥuen din te kebantey kenikew minsan hendei ka ebpevayà.

¹²Edselupepayen ke zan wey kenà mepelii is menge paa nu te menge vatu.

¹³Bà nu zà egieki is menge erimaung wey is edhereg he menge uled.

¹⁴Migkaǥi is Megbevayà te, “Edlibriyen ku wey edlevanan ku is mibmahal wey migkilala kedì.

¹⁵Emun ed-umawen e zin, ne edtevaken ku sikandin; emun edlised sikandin, ne eduma a kandin; edlibriyen ku sikandin wey ebeǥayan ku te zengeg.

¹⁶Ebeǥayan ku sikandin te meluǥayad he untung, ne ibpeehè ku kandin is kedlibriya ku kandin.”