Buka Linge 91:9-16

⁹Kau podopodo i tatana a Lord, ma ka ungaunga i sarana gaia te haba vule.

¹⁰E taho siki sosodo ke kalegho, me taho siki maemate ke dutuvia na valemu.

¹¹God ke vetenara lei nina angel kara righitaonigho, ma kara podopodogho ivei ko tona vaa.

¹²Gaira kara tabe datogho nia na limadira, ge ke mua kalei na vatu na marevomu.

¹³Ighoe ko turibitara na lei kau ghaghala mana lei poli, na lei kau mataghugha mana lei poli maomaogha.

¹⁴God te bosa me ghaghua, “Inau ku volara gaira tara doloviu, mu ku righitaonira gaira tara taluutuniu inau a Lord.

¹⁵Tana bona kara holau inau ku tala vanira, mi tana bona te kalera na vahola, inau ku kabu kolura, ku volara mu ku talu mavara.

¹⁶Inau ku tabora nia na vola daro bona, mu ku volara ghua.”