Yabura 91:9-16

⁹barima i bara la i Marigi ra, a bara findi i xa kantari ra. Ala Xili Xungbe kanyi findixi i xa makantade nan na.

¹⁰Sese mu i lima, wuganyi yo mu soma i xɔnyi,

¹¹barima a a xa malekɛe yamarima e xa i makanta yire birin.

¹²E i tongoma nɛ e bɛlɛxɛe kui, alako i naxa i sanyi radin gɛmɛ ra.

¹³I nɔma yɛtɛe nun bɔximasee ra, i sɛnbɛ dangi baratɛe nun biidae ra.

¹⁴Alatala xa masenyi nan ya: «A to laxi n na, n a rakisima nɛ. N a makantama nɛ barima a n xili kolon.

¹⁵A na n xili, n a yaabima nɛ. Tɔɔrɛ na a li, n luma nɛ a sɛɛti ma. N a rakisima nɛ, n a xun nakeli.

¹⁶N simaya xɔnkuye fima nɛ a ma, n na n ma kisi masen a bɛ.»