Salmo 81:11-16

¹¹Piru sikiyu is menge Israilihanen he menge etew ku, wazè kew mebpemineg wey mebpezumazuma kedì.

¹²Umbe, mibpesagdan ku sikiyu te kebmesinupaken niw, ne mibeelan niw is egkesuatan niw.

¹³Emun pezem ebpemineg kew kedì wey edtumanen niw is menge paaǥi ku,

¹⁴ne diritsu ku zà edsiluti wey edaaǥa is menge kuntada niw.

¹⁵Is menge edumut kediey, ne ebpekeluhud kedì su egkahandek. Ne wazà pidtemanan te silut dan.

¹⁶Iyan, sikiyu mulà is menge etew ku, ibpekaan ku sikiyu. Edhentayen ku sikiyu te utew meupiya he trigu wey teneb.”