Mitiyegec 81:11-16

¹¹“Ngicngacfocna ngeneng ine ubaudumennaac kedzac mong mi kpegec, kpac yombong. Israe areng ngeni wanuma neac yoac mi tofohogec.

¹²Imocac wangunuba ngeni ubaseringinagoc kecma ngenang negen negeng modacgec.

¹³O ngicngacfocna, ngeni neac yoac modacma kedzac kpebau, imocac yombong anende. Nga Israe ngeneng neac sing modacbau, imocac homac anende.

¹⁴Ngeni ifi ambau neng ngabafocngina bic memayunuma marinango singngina hedzickebai.”

¹⁵“Ifi amba ngicngac KEBU ubango ukudae, yeneng yeac kicfu hama fafoc heimibau. Yeni kopocsicnginaac turunga ebicgoc kecdae, imoc nasoya nasoya feengkecbac.

¹⁶Ifi kefu Israe areng, ni wit yaka gombunga ngemmeba nebau nga ni hoc peperandziac kukundzau meficgema ngemmeba nebau.”