Salmo 69:32-35

³²Emun egkaahà heini te menge egkaayuayu, ne egkengelipey zan; ebmelig-en is menge etew he midangep diyà te Megbevayà.

³³Ebpemineǥen te Nengazen is menge egkaayuayu, ne kenè din egkelipatan is menge etew zin he mibihag.

³⁴Deliǥa niw is Megbevayà, sikiyu is langun he ziyà te langit, kayi te kelibutan, wey ziyà te zaǥat.

³⁵Su edlibriyen te Megbevayà is Jerusalem, ne ed-umanan din ebenguna is menge inged diyà te Juda. Dutun ed-ubpà is menge etew zin ne iyan dan ebpekaangken keniyan he tanà.