17Egkeepesan niw is menge penurù ku; wazè niw seǥipaa is menge lalag ku.
18Emun ebpekeehè kew te tekawen ne ebpekid-emiǥu kew kandin, wey ebpekidrerempungen kew zaan te menge mengungumpadi.
19Mezaat is ebpengeǥiyen niw ne utew zà melemu ziyà te keniyu is kedtarùtarù.
20Layun mezaat is menge lalag niw mehitenged te menge suled niw.
21Ne hein mibeelan niw heini is langun, wazè ku sikiyu dewaya; umbe kunaan niw ke iring a keniyu. Piru guntaan, edewayen ku sikiyu ne ibpeehè ku keniyu he utew kew lalung.