Salmo 20:1-7

¹Berakat he edtevaken te Nengazen is ampù nu ke edlised ka. Berakat he idlikey ka te Megbevayà ni Jacob te ebpekekaid kenikew.

²Berakat he egkeumahan ka te tavang din kenikew he ebpuun diyà te valey zin diyà te Zion.

³Berakat he zewata zin is menge halad nu, iring te pemuhat he edtutungen.

⁴Berakat he iveǥey zin kenikew is ebpengeduyen nu. Berakat he medlampus is menge pelanu nu.

⁵Ed-ugyab key tenged te kezeeǥan nu, ne edsilibra key he edalig te Megbevayè tew. Berakat he iveǥey te Nengazen is langun he ebuyuen nu.

⁶Guntaan netuenan ku he ibeǥey te Nengazen is kezeeǥan diyà te mibpilì din he hadì. Ne ziyà te langit he iyan kes segradu he ubpeey zin, edtevaken din is ked-ampù dutun te mibpilì din. Ne layun din ibpezaag pinaaǥi te gehem din.

⁷Emun duen tebek, is duma edsarig te menge kerwahi zan, ne is duma pa ne edsarig te menge kudè dan, iyan, sikami mulà, iyan edseriǥan dey is Nengazen he iyan Megbevayè dey.