Psalms 20:1-7

¹Mang e yigi fulweg SOMOL lungum ko ngiyal’ nike yib e oloboch ngom! Mang e yigi yororiyem e Got rok Jakob!

²Mang e yigi pi’ e ayuw ko Tempel rok ko fare Burey nu Zion ngeb ngom.

³Mang e yigi fanay gubin e maligach rom me fel’ u wan’ e maligach ni mo’oruf ni ka mu pi’.

⁴Mang e yigi pi’ ngom e n’en ni fiti lanin’um me tay gubin e tin kam tanomnag nga tagil’.

⁵Ma aram e bay da garus niged e felfelan’ ni fan e gel ni kam tay ma gadad madnomnag ni kam gel ni gadad be pining e sorok ngak Got. Mang e yigi fulweg SOMOL taban gubin e tin ga ma ning.

⁶Ku gu nang e chiney ni SOMOL e ma gelnag e en ir e turguy ni nge pilung; ma fulweg taban e meybil rok u tharmiy ni tafen nib thothup, ma gelngin nib gel e i galnag ko pi mael.

⁷Boch e girdi’ e be pagan’rad ko pi chariot ko mael ni bay rorad, ma boch e be pagan’rad ko os rorad, machane gadad e be pagan’dad nga gelngin SOMOL ni Got rodad.