ZABURA 20:1-7

¹Dauda lɛ̀ɛ. Dikiri sí kũnwo n warikɛgↄrↄa, Yakubu Luda ↄ kúmma.

²À n sura ba bona a kúkia, à kpáńyĩ bona zaa Zaiↄ̃.

³À n sa'ona sí pínki, n sa'opↄ kũ òdi ká tɛ́n à tɛ́ kũnↄ dↄn.

⁴À pↄ́ kũ n pↄ yei kpámma, à tó ǹ pↄ́ kũ ntɛn pɛ́a le.

⁵Óni ayuwii kɛ zĩ̀ kũ n blè yã musu, óni tuta dↄ musu kũ ó Luda tↄ́o. Dikiri wɛ́kɛ kũ n kɛ̀ sí pínki.

⁶Má dↄ̃ sà kũ Dikiri dì kína kũ à à kà sura ba, àdi yã sí kãao zaa a bɛ kũ à kú adona, àdi tó à zĩ̀ ble kũ a gã̀sã gbãnao.

⁷Gbɛ̃kenↄ dì sↄ̃gonↄ náani kɛ, gbɛ̃kenↄ dì sↄ̃nↄ náani kɛ, ókↄ̃nↄ sↄ̃, Dikiri ó Ludan odì náani kɛ.