SALAMO 88:10-18

¹⁰Hoa karadia o karamu mase taudia edia, eiava mase taudia laulaudia na oi ihanamomu totona e tore isimu a? (Selah)

¹¹Mase gurina ai oiemu hebogahisi e gwauraia hedinaraimu, eiava dobu masemase gabuna ai oiemu heabidadama sivaraina e gwauraiamu a?

¹²Dibura gabuna ai oiemu hoa karadia na mai dibadia, eiava helalo-boio tanona ai oiemu hahemauri karadia na e helalo taomu a?

¹³Iehova e, lau oi na tai henimumu, daba ai egu ḡuriḡuri e dae vasimu.

¹⁴Iehova e, dahaka dainai vada o kahugu nege? Dahaka dainai oi vairamu na egu ai o huniamu?

¹⁵Merogu negana amo mai hisihisigu ida vada na noho, mase kahira-kahirana ai; emu hahegari ese e hadikagumu, lau na asi ikahagu.

¹⁶Emu badu ese e habubunigumu, emu hahedika ese e habuagu tarimu;

¹⁷abata na heto e kougu heḡegemu dina idoinai, vada e kougu ahu heboumu.

¹⁸Egu lalokau tauna bona turagu lalodia vada o ani, bena e dadaraigumu; bamogu na dibura ai nonoho.