Yontu 88:10-18

¹⁰Wɑhɑlɑ nyəŋsɑ mɑ ɩsɛ kɛ́. Pɑɑ ɩfemle nteɣe mɑ yɑɑkɩ-ŋ Tɑcɑɑ, nɑ mɑ́ tɛkəɣɩ-ŋ niŋ.

¹¹Sətɑɑ kɛ n lɑkɩ piti təmɑ nɑ? Pɑɑ kʋlɩ nɑ pɑ́ sɑ-ŋ?

¹²Sətɑɑ yɔɣɔtəɣɩ nyɑ́ kʋpɑntʋ tɔm kɛ pɑ tɛɣɛ? Yɑɑ nyɑ́ teu tɔm kɛ pɑ yɔɣɔtəɣɩ ɑtɛtəlɛ tɑɑ?

¹³Nɔɣɔlʋ tɑ nyɩ nyɑ́ kɔkɔlɔ nyəmnɑɑ tɔm kɛ səkpɛtʋɣʋ tɑɑ. Pəyele pɑ tɑ nyɩ nyɑ́ siɣisuɣu tɔm kɛ tɛtʋ nti tə tɑɑ yəlɑɑ wɛnɑ ləsɔɔʋ tɔ.

¹⁴Hɑɩ, Tɑcɑɑ, nyɑɣɑ mɑ yɑɑkɩ sɩ ń wɑɑsɩ-m nɑ mɑ́ sələməɣɩ-ŋ pɑɑ tɑnɑŋ ŋku.

¹⁵Tɑcɑɑ, pepe tɔɔ kɛ́ n lɔ-m nɑ nn cɑɑkɩ sɩ ń nɑ-m?

¹⁶Mɑ kɛ́ kʋnyɔntʋ kɛ hɑtoo mɑ pəcɑɑtʋ kɛ́ nɑ mɑ́ wɛ səm nɔɣɔ tɑɑ, nɑ mɑ́ tɔkɩ sɔɣɔntʋ nti n tʋ-m tɔ tə wɑhɑlɑ. Pə pəsɑ mɑ lɑŋlɛ kɛ́.

¹⁷Nyɑ́ pɑ́ɑ́nɑ́ huunɑ-m kɛ́ ɩsɩɩ kɔkɔ, nɑ nyɑ́ sɔɣɔntʋ sɔsɔɔntʋ wɑkələɣɩ-m.

¹⁸A liki-m pɑɑ ɩfemle nteɣe ɩsɩɩ lʋm nɑ ɑ́ wɑtəɣɩ-m nɑ pɑɑ timpi.